Hochwasser

Ir Nacht vum Samschtig uf da Sunntig hets wieder amol recht viel gregnat, so viel dass as dr Vorderrhi zwüschazitlich uf 1000m3 (normal ca. 50m3) gschafft het. Au dr Glenner het Maximalwasserständ vu 350m3 (normal ca. 10m3) kha.

Leider isch zwüscha Richenau und Chur bi dem Wasserstand zimlich alles flach gsi und somit nüt lohnenswerts zum a Rundi go Kanufahra.

Dr Hinterrhi het jedoch optimal Wasser kha (260m3 in Fürstenau) und somit hend sich dr Corsin und dr Michael am Nomittag no dr Rapid #1 in Rothenbrunnen abagschtürzt und sind no in Rhäzüns biz am Freestyla gsi.

Hoffentlich gots nid so lang bis zu da nögschta grössera Rägafäll. D Flüss sind um einiges interessanter bi dena Wasserständ.

PS: Wenn ma in Chur go Kanufahra got, ischs möglich, dass ma uf as paar Schuttmulda im Fluss trifft. As isch nämlich dr Hügel bim Kieswerk, wo die Mulda drufgschtanda sind, in Rhein gschtürzt, inklusiv as paar Mulda.

Do no as paar Impressiona:

Plessurfall (isch nid so hoch bi dem Wasserstand vum Rhein)

Dr riesigi Felsa in Chur im Rhein (ragt normal öppa 2m us am Wasser)

D Raftbasis vur Kanuschual in Richenau am Vorderrhein

Do isch vor kurzem no a Schuttmulda gschtanda.....