Dr letschti Blog-Itrag isch scho me als as Johr alt, drum ischs ar Zit zum wieder amol as paar neui Pics ds posta.
Bremgarta het am Samschtig wieder amol a perfekta Wasserstand kha, deshalb sind dr Jann, dr Andrea und dr Michael wieder amol go playboata. Miar hend jedoch nur 2 Paddelusrüschtiga mitgno, deshalb isch uf da Fotos au nid immer ersichtlich wär im Boot hockt.
As isch wieder mol me an böngli Tag in Bremgarta gsi, hoffend dass as nid wieder as Johr goht bis zum nögschta Itrag.

Worlds in Thun

So, 4 täg training fürd wm in thun sind bereits verbii, thun isch wider mol super! d Wella isch guat, schwirig, aber es isch alles möglich. üsi unterkunft isch bombasicher! miar wohnen im "BUNKER" wia er mittlerwila vu allna nationa gern gnennt wird... au in dr zivilschutzalag wohnt dr casper & dr tim (wos vum camping gschmissa hend), a nepalesischi paddlerin und ihra "Manager" a huara luschtiga siach... (er isch actor, director, producer und kocht guat und gern curry fürs ganza schwiizer team, dass der ganz bunker in a curry-fahna taucht worda isch...)

Dr Simon mit sina Helfer sind andersch am gas geh!! super organisation, grossi tribüni, bootsplatz, essa!!! glauba das wird echt gross! Noch em essa, dr videoanalysa gömmer denn au gern ins Cafe Mokka, für eis, zwei oder au meh piarli. isch uf jeda fall echt cool wider alli lüt z gse us aller welt! Und ziit zum reda hemmer! usserd em 30 min Teamtraining hemmer eigentli nüüt z tua und drum isi ziit zum kli filma, penna, cafe, internet, zualuaga, chilla usw.

we enjoy it!!!

andrea & sändy & franz

fötali hemmer nur vur "untera" wella....

Verzascca

see the boat?!
Michi auf der Ideallinie beim Huasrenritt (Ideal umtragen)





So,

dr Michael und I sind in Tenero für graubünden sport als Lager tätig gsi im Jugendsportcamp. An üsem freia Nomitag, hemmer die Gunst der Stunde genutzt, z Auto gschnappt und ab ufd Verzasca. isch aifach wider mol super nice gsi!!!

Oberer Glenner (achtung Holz!)

So,

Miar sind wider mol uf da Bäch gsi... noch letschtem Weekend Medelser, unterem Glenner, und Valserrhein simmer (Michi, Andrea & Silvan) hüt hammermässig Oberi Glenner bi ma sportlicha Wasserstand vu 24m3/s go haiza. 

Dr oberi Teil bis zum Wehr isch relativ suuber aber WICHTIG! VOR dr Kurva zwüscha da 2 Brückli (Wo z Fahrverboot afot bim Parkplatz) muass ma usboota, wells a baum über wasserlinia quer über dr fluss hett und ma  döt nüm usstiiga kann!!! ab em Wehr hetts denn no 2 Lawinakegel wo ma umträga muass... bim 2. hetts au nu klini Eddies... also ufpassa, öppa in dr Mitti muas ma au nomol umträäga well es en Baum in Fluss ragt woma unmöglich verbii paddla kann!  es hend sich einigi stella kli verändert, ma muas guat vorus luaga wegem Holz. Für meh infos sus mis Natel (077 409 78 63)

leider simmer z fuul gsi zum fötala... tja... vu Plattling gits denn as Paar.

fg 

2 Böngli days @ Bremgarten

Bilanz vur letschta Wucha: Cool Monday @ X-TRA, wenig schloof viel Paddla und füader Steaks.

Miar sind am Mentig mim Gleis 7 mit allem Plunder zum Tabak greist mit am Ziel 2 perfekti Paddeltäg in Bremgarta ds ha. Noch anara legendäre Pizza "alla" Tabacco simmer (gstärkt) an dr Cool Monday ins X-Tra. As het nid so viel Lüt kha, trotzdem hemmer as paar Persona für Montagsmaler motiviara könna, Merci Karin.

Noch wenig Schlof (und wenig Biar) hemmers denn trotzdem no noch Bremgarta gschafft.

As het sich glohnt.....2 great days @Bremgarten:

Peace and out: Jann, Jérôme, Michael